תנ"ך על הפרק
דברים לד
הפרק
ה' מראה למשה את הארץ, משה מת, שבח למשה
וַיַּ֨עַל מֹשֶׁ֜ה מֵֽעַרְבֹ֤ת מוֹאָב֙ אֶל־הַ֣ר נְב֔וֹ רֹ֚אשׁ הַפִּסְגָּ֔ה אֲשֶׁ֖ר עַל־פְּנֵ֣י יְרֵח֑וֹ וַיַּרְאֵ֨הוּ יְהוָ֧ה אֶת־כָּל־הָאָ֛רֶץ אֶת־הַגִּלְעָ֖ד עַד־דָּֽן׃וְאֵת֙ כָּל־נַפְתָּלִ֔י וְאֶת־אֶ֥רֶץ אֶפְרַ֖יִם וּמְנַשֶּׁ֑ה וְאֵת֙ כָּל־אֶ֣רֶץ יְהוּדָ֔ה עַ֖ד הַיָּ֥ם הָאַחֲרֽוֹן׃וְאֶת־הַנֶּ֗גֶב וְֽאֶת־הַכִּכָּ֞ר בִּקְעַ֧ת יְרֵח֛וֹ עִ֥יר הַתְּמָרִ֖ים עַד־צֹֽעַר׃וַיֹּ֨אמֶר יְהוָ֜ה אֵלָ֗יו זֹ֤את הָאָ֙רֶץ֙ אֲשֶׁ֣ר נִ֠שְׁבַּעְתִּי לְאַבְרָהָ֨ם לְיִצְחָ֤ק וּֽלְיַעֲקֹב֙ לֵאמֹ֔ר לְזַרְעֲךָ֖ אֶתְּנֶ֑נָּה הֶרְאִיתִ֣יךָ בְעֵינֶ֔יךָ וְשָׁ֖מָּה לֹ֥א תַעֲבֹֽר׃וַיָּ֨מָת שָׁ֜ם מֹשֶׁ֧ה עֶֽבֶד־יְהוָ֛ה בְּאֶ֥רֶץ מוֹאָ֖ב עַל־פִּ֥י יְהוָֽה׃וַיִּקְבֹּ֨ר אֹת֤וֹ בַגַּיְ֙ בְּאֶ֣רֶץ מוֹאָ֔ב מ֖וּל בֵּ֣ית פְּע֑וֹר וְלֹֽא־יָדַ֥ע אִישׁ֙ אֶת־קְבֻ֣רָת֔וֹ עַ֖ד הַיּ֥וֹם הַזֶּֽה׃וּמֹשֶׁ֗ה בֶּן־מֵאָ֧ה וְעֶשְׂרִ֛ים שָׁנָ֖ה בְּמֹת֑וֹ לֹֽא־כָהֲתָ֥ה עֵינ֖וֹ וְלֹא־נָ֥ס לֵחֹֽה׃וַיִּבְכּוּ֩ בְנֵ֨י יִשְׂרָאֵ֧ל אֶת־מֹשֶׁ֛ה בְּעַֽרְבֹ֥ת מוֹאָ֖ב שְׁלֹשִׁ֣ים י֑וֹם וַֽיִּתְּמ֔וּ יְמֵ֥י בְכִ֖י אֵ֥בֶל מֹשֶֽׁה׃וִֽיהוֹשֻׁ֣עַ בִּן־נ֗וּן מָלֵא֙ ר֣וּחַ חָכְמָ֔ה כִּֽי־סָמַ֥ךְ מֹשֶׁ֛ה אֶת־יָדָ֖יו עָלָ֑יו וַיִּשְׁמְע֨וּ אֵלָ֤יו בְּנֵֽי־יִשְׂרָאֵל֙ וַֽיַּעֲשׂ֔וּ כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃וְלֹֽא־קָ֨ם נָבִ֥יא ע֛וֹד בְּיִשְׂרָאֵ֖ל כְּמֹשֶׁ֑ה אֲשֶׁר֙ יְדָע֣וֹ יְהוָ֔ה פָּנִ֖ים אֶל־פָּנִֽים׃לְכָל־הָ֨אֹת֜וֹת וְהַמּוֹפְתִ֗ים אֲשֶׁ֤ר שְׁלָחוֹ֙ יְהוָ֔ה לַעֲשׂ֖וֹת בְּאֶ֣רֶץ מִצְרָ֑יִם לְפַרְעֹ֥ה וּלְכָל־עֲבָדָ֖יו וּלְכָל־אַרְצֽוֹ׃וּלְכֹל֙ הַיָּ֣ד הַחֲזָקָ֔ה וּלְכֹ֖ל הַמּוֹרָ֣א הַגָּד֑וֹל אֲשֶׁר֙ עָשָׂ֣ה מֹשֶׁ֔ה לְעֵינֵ֖י כָּל־יִשְׂרָאֵֽל׃
פירוש על הפרק
וּסְלֵיק משֶׁה מִן מֵישְׁרָא דְמוֹאָב לְטוּרָא דִנְבוֹ רֵישׁ דְרָמָתָא דְאִית לִקְבֵל יְרֵיחוֹ וְחַוֵי לֵיהּ יְיָ יַת כָּל אַרְעָא יַת גִלְעָד עַד דָן דְקֵיסַרְוָון:וְיַת כָּל אַרְעָא דְנַפְתָּלִי וְיַת אַרְעָא דְאֶפְרַיִם וּמְנַשֶׁה וְיַת כָּל אַרְעָא דִיהוּדָה עַד יַמָא אַחֲרַיָיא:וְיַת דָרוֹמָא וְיַת מֵשְׁרָא בִּקְעַת דִירֵיחוֹ קַרְתָּא דְעַבְדָא תַמְרִין הִיא זְעֵיר:וַאֲמַר מֵימְרָא דַיְיָ לֵיהּ משֶׁה נְבִיָא דָא אַרְעָא דִי קַיֵימִית לְאַבְרָהָם לְיִצְחָק וּלְיַעֲקב לְמֵימָר לְזַרְעֲיַית בְּנָיִיךְ אֶתֵּן יָתָהּ חָמֵי יָתָהּ בְּעַיְינָךְ וּלְתַמָן לֵית אַתְּ עֲבָר:וּמִית תַּמָן משֶׁה עַבְדָא דַיְיָ בְּאַרְעֲהוֹן דְמוֹאֲבָאֵי עַל פּוּם גְזֵירַת מֵימְרָא דַיְיָ:וּקְבַר יָתֵיהּ בְּחֵילְתָא בְּאַרְעֲהוֹן דְמוֹאֲבָאֵי כָּל קֳבֵיל טַעֲוַות פְּעוֹר וְלָא חֲכַם גְבַר יַת קְבוּרְתֵּיהּ עַד יוֹמָא הָדֵין:וּמשֶׁה בַּר מְאָה וְעֶשְרִין שְׁנִין בְּזִמְנָא דְאִתְכְּנִישׁ לָא כַהֲיַין עֵינוֹי וְלָא אִשְׁתְּנוּן זִיוְהוֹן דְאַפּוֹי:וּבְכוֹן בְּנֵי יִשְרָאֵל יַת משֶׁה בְּמֵישְׁרָא דְמוֹאָב תְּלָתִין יוֹמִין וְאַשְׁלִימוּ יוֹמֵי בָּכוּתָא אֶבְלָא דְמשֶׁה:וִיהוֹשֻׁעַ בִּן נוּן הֲוָה מְלֵי רוּחַ דְּחוּכְמָתָא אֲרוּם סְמַךְ משֶׁה יַת יְדוֹי עֲלוֹי וּשְׁמָעוּ לֵיהּ בְּנֵי יִשְרָאֵל וַעֲבָדוּ הֵיךְ מַה דְפַקֵּיד מֵימְרָא דַיְיָ יַת משֶׁה:וְלָאָ קָם נְבִיָּא עוֹד בְּיִשְרָאֵל כְּמשֶׁה דִי חַכִּים יָתֵיהּ מֵימְרָא דַיְיָ מַמְלּיל כָּל קֳבֵיל מַמְלָּל:לְכָל אָתַיּא וּמוֹפְתַיָּא וְנִיסַיָּא פְּרִישָׁתָא דִּי שְׁלַח יָתֵיהּ מֵימְרָא דַיְיָ לְמֶעֱבַד בְּאַרְעָא דְמִצְרַיִם לְפַרְעה וּלְכָל עַבְדּוֹי וּלְכָל אַרְעֵיהּ:וּלְכָל יְדָא תַקִּיפְתָּא וּלְכָל חֶזְוָותָא רַבְרְבַיָּא דִּי עֲבַד משֶׁה חַמְיָין כָּל יִשְרָאֵל:
תוכן עניינים
ניווט בפרקי התנ"ך
